ریاست تلنگانہ کے شہر حیدرآباد میں ریاست آندھرا پردیش کے وزیر اعلی وائی ایس جگن موہن ریڈی کی قیام گاہ 'لوٹس پاونڈ' کے قریب کشیدگی دیکھی گئی کیونکہ بجرنگ دل کے کارکنان نے آندھرا پردیش میں مندروں کے تحفظ کا مطالبہ کرتے ہوئے احتجاج کیا۔
بجرنگ دل نے ریاست میں مندروں کے تحفظ کا مطالبہ کرتے ہوئے جگن کی قیام گاہ کے محاصرہ کی اپیل کی تھی۔
پولیس کی بڑی تعداد کو ان کی قیام گاہ کے قریب تعینات دیکھا گیا جس نے ان کارکنان کو حراست میں لے لیا۔
اس موقع پر ان کارکنان نے نعرے بازی بھی کی۔ پولیس اور ان میں بحث و تکرار بھی ہوئی۔
جگن کی قیام گاہ کے قریب تقریبا 300 پولیس اہلکاروں کو تعینات کیا گیا تھا۔
