حیدرآباد: تلنگانہ کی راجدھانی حیدرآباد میں ڈی جی پی کے دفتر کے سامنے احتجاج کرتے ہوئے مظاہرین نے دفتر میں گھسنے کی کوشش کی، تاہم وہاں پر پہلے ہی سے موجود الرٹ پولیس اہلکاروں نے ان کو روک دیا۔ اس موقع پر پولیس اور احتجاجیوں کے درمیان بحث وتکرار ہوگئی اورکچھ دیر کیلئے کشیدگی پھیل گئی۔ Protest in front of DGP office in Hyderabad
اس دوران متعدد مظاہرین سڑک پر بیٹھ کر پلے کارڈس کے ساتھ احتجاج کرنے لگے۔بعد ازاں پولیس نے ان احتجاجیوں کو گرفتارکرتے ہوئے بولارم پولیس اسٹیشن منتقل کردیا۔ان احتجاجیوں نے کہا کہ حکومت نے سرکاری ملازمتوں پر تقرر کیلئے اعلامیہ کو دو سال کی تاخیر سے جاری کیاجس کی وجہ سے وہ ملازمت کی اہلیت نہیں رکھتے۔
انہوں نے کہاکہ اس مسئلہ پر قبل ازیں ڈی جی پی اور وزرا سے ملاقات کرتے ہوئے اس معاملہ کو ان کے علم میں لایاگیا تھا تاہم اس پر کوئی توجہ نہیں دی گئی۔انہوں نے کہا کہ فائر ڈپارٹمنٹ اور محکمہ محابس میں کانسٹیبلز کے عہدوں کیلئے حد عمر 35 برس سے گھٹاکر30 برس کردی گئی ہے۔
یہ بھی پڑھیں: KTR Social Media: 'تلنگانہ کے بے روزگارنوجوان آئندہ چھ ماہ تک سوشل میڈیا سے دور رہیں'
یواین آئی
