حیدرآباد میں بھی ارطغرل غازی کی مقبولیت سر چڑھ کر بول رہی ہے۔ حیدرآباد میں ایک مندی ہوٹل کا نام ارطغرل غازی رکھا گیا ہے اور ہوٹل مالک مسعود احمد مانصاحب ٹینک علاقہ میں ’ارطغرل غازی‘ کے نام سے مندی ہوٹل کھولی ہے۔
حیدرآباد میں ’ارطغرل غازی‘ مندی ہوٹل کی مقبولیت
ارطغرل غازی کے مداخ اس ہوٹل کو کافی پسند کر رہے ہیں، ہوٹل کی دیواروں پر سیریل میں مختلف کردار ادا کرنے والوں کے پوسٹرز لگائے گئے ہیں جن میں ارطغرل غازی، حلیمہ سلطان، ابن عربی، استاد اعظم وغیرہ شامل ہیں۔
مسعود احمد نے ای ٹی وی بھارت سے بات کرتے ہوئے بتایا کہ ’مندی‘ عربی ڈش ہے جسے عرب تہذیب کے مطابق بڑے تھالے میں پیش کیا جاتا ہے اور ہوٹل میں عرب تہذیب کا خاص خیال رکھا گیا ہے۔ انہوں نے بتایا کہ ہوٹل کے نام کی وجہ کافی گاہک متاثر ہو رہے ہیں۔ گاہک بھی ہوٹل کے ماحول سے کافی خوش نظر آرہے ہیں۔
