وزیراعظم نے حیدرآباد میں ایک انتخابی ریلی سے خطاب کرتے ہوئے کہا کہ میڈیا میں ایسی خبریں ہیں کہ عمر عبداللہ نے کہا ہے کہ کشمیر کے لیے ایک الگ وزیراعظم ہونا چاہئے۔
انہوں نے سوال کیا کہ بھارت کے لیے دو وزیر اعظم؟ کیا آپ اس سے مطمئن ہیں؟ کانگریس کو جواب دینا ہوگا اور عظیم اتحاد کے سبھی رہنماؤں کو بھی اس کا جواب دینا ہوگا۔
وزیراعظم نے مزید کہا کہ ترنمول کانگریس کی صدر اور مغربی بنگال کی وزیراعلی ممتا بنر جی، آندھر پردیش کے وزیر اعلی چندر بابو نائڈو اور شردپوار سے بھی پوچھنا چاہتے ہیں کہ کیا وہ عمر عبداللہ کے بیان سے اتفاق رکھتے ہیں۔
وزیراعظم نے مزید کہا کہ کانگریس نے ہمیشہ ملک مخالف طاقتوں کو مضبوط کرنے کی کوشش کی ہے۔ اسی ذہنیت کی وجہ سے یہ لوگ سرجیکل اسٹرائک پر سوال کرتے ہیں۔
