تلنگانہ کی حکمراں جماعت ٹی آر ایس کے ایک اور رکن اسمبلی کورونا سے متاثر ہوئے ہیں۔
حکمراں جماعت ٹی آر ایس کے رہنما تیزی سے وائرس سے متاثر ہو رہے ہیں جس پر پارٹی کے رہنماؤں نے تشویش کا اظہار کیا۔
اس دوران ابراہیم پٹنم کے ایم ایل اے کے کورونا مثبت پائے جانے سے خوف و ہراس کا ماحول پیدا ہوگیا۔
ذرائع کے مطابق منچی ریڈی کشن ریڈی اپولو ہسپتال میں زیر علاج ہیں۔ اس سلسلے میں حکام نے رکن اسمبلی کے رابطوں کا سراغ لگانا شروع کردیا ہے۔
حکام نے رکن اسمبلی کے افراد خاندان کا بھی کورونا ٹیسٹ کیا ہے جس کی رپورٹ ابھی نہیں آئی ہے۔ تاہم انہیں ہوم کورنٹائن میں رہنے کی ہدایت دی گئی۔
تلنگانہ میں کورونا سے متاثر ہونے والے یہ چھٹے رکن اسمبلی ہیں۔
