حیدرآباد کے جیڈی مٹلہ میں پیش آئے سڑک حادثہ میں یوپی کا ایک شخص ہلاک ہوگیا۔یہ حادثہ اتوار کی صبح اُس وقت پیش آیا جب موٹرسائیکل کو ٹپر لاری نے ٹکر دے دی،اس مہلوک کی شناخت 35سالہ اویناش پانڈے کے طورپر کی گئی ہے۔وہ چند سال پہلے ذریعہ معاش کے سلسلہ میں اپنے خاندان کے ساتھ یوپی سے حیدرآباد منتقل ہوگیا تھا اورشہر کے جیڈی مٹلہ کے دیویندرنگر میں مقیم تھا۔اویناش، ایل پی جی سلنڈر کی کمپنی میں ڈیلیوری بوائے کے طورپر کام کررہا تھا۔ One killed in Road Accident
اتوار کو پانڈے اپنے دوست ناگاراجو کے ساتھ بائیک پر جارہا تھا کہ ٹپر لاری کے ڈرائیور نے اس کا توازن کھودیا اور یہ لاری، موٹرسائیکل سے ٹکراگئی۔حادثہ کے نتیجہ میں پانڈے سڑک پر گرکر زخمی ہوگیا۔اس کو علاج کے لئے اسپتال منتقل کیاگیا جہاں اس کو ڈاکٹرس نے مردہ قراردیا۔
مزید پڑھیں:Road Accident in Hyderabad: سڑک حادثے میں ایک شخص ہلاک
پولیس نے کہاکہ ٹپرلاری کے ڈرائیور نے لاپرواہی سے گاڑی چلائی جس کے نتیجہ میں یہ حادثہ پیش آیا۔اس حادثہ میں پانڈے کے ساتھ بائیک پر سوار شخص زخمی ہوگیا۔پولیس نے اس سلسلہ میں ایک معاملہ درج کرکے جانچ شروع کردی۔
یواین آئی
