گزشتہ روز اے سی بی کے عہدیداروں نے کاماریڈی پولیس اسٹیشن کے سرکل انسپکٹر جگدیش کو رشوت لیتے ہوئے رنگے ہاتھوں پکڑ لیا تھا، تفصیلات کے مطابق 8 نومبر کو کاماریڈی پولیس انسپکٹر نے آئی پی ایل سٹہ بٹنگ میں ایک شخص جس کی شناخت بی سدھاکر کے طورپر کی گئی ہے کو حراست میں لیا تھا۔
انسپکٹر آئی جگدیش نے ملزم بی سدھاکر کی پولیس اسٹیشن میں ضمانت دینے کیلیے 5 لاکھ روپئے کا مطالبہ کیا تھاجس پر ملزم نے ایک لاکھ 39 ہزار روپیے کی رقم دے دی تاہم بقیہ رقم کے لیے انسپکٹر جگدیش نے سدھاکر کو ہراساں کرنا شروع کیا جس پر سدھاکر نے اس سلسلہ میں اینٹی کرپشن بیورو میں شکایت درج کروائی تھی جس پر اینٹی کرپشن بیورو نے کارروائی کرتے ہوئے انسپکٹر جگدیش اور ایک شخص سنجئے کو رشوت کی بقیہ رقم لیتے ہوئے رنگے ہاتھوں گرفتار کرلیا۔
اے سی بی نے اس کے مکانات میں پر چھاپہ بھی مارا ہے۔
