تلنگانہ کے چیف سکریٹری سومیش کمار اور ڈی جی پی مہیندر ریڈی نے ضلع کلکٹرس، ایس پیز اور اعلی عہدیداروں کو 17ستمبر کو منائے جانے والے یوم قومی یکجہتی کی افتتاحی تقریب کے لیے تمام انتظامات کی ہدایت دی۔چیف سکریٹری، ڈی جی پی نے کلکٹرس، پولیس کمشنرس، ایس پیز اور دیگر عہدیداروں کے ساتھ ان تقاریب کے انتظامات کا تفصیلی طورپر جائزہ لیا۔
Telangana state cabinet decides September 17 as Telangana national unity day
انہوں نے کہا کہ اس ماہ کی 16 تاریخ کو تمام حلقوں میں تقریباً 15 ہزار افراد کے ساتھ ریلی نکالی جائے۔بعد ازاں جلسہ عام منعقد کیا جائے۔ انہوں نے کہا کہ ہر ضلع کو 10 ہزار قومی پرچم اور 50 بڑے جھنڈے فراہم کیے جائیں گے۔ پروگراموں کے انتظام اور نگرانی کے لیے ہر حلقے کے لیے ایک سینئر عہدیدار کو نوڈل آفیسرکے طور پر مقررکرنے کی ہدایت دی گئی ہے۔
17 ستمبرکو تمام ضلعی مستقروں میں وزراء اور عوامی نمائندے قومی پرچم لہرائیں گے۔انہوں نے ان پروگراموں کے مناسب انتظامات کرنے کی ہدایت دی۔ انہوں نے کہا کہ 18 ستمبر کو تمام ضلعی مستقروں میں بڑے پیمانے پر ثقافتی پروگرام منعقد کیے جائیں اورتمام عوامی نمائندوں کو ان میں مدعو کیا جائے۔ اس ماہ کی 15 تاریخ سے تمام سرکاری دفاتر، پرائیویٹ اور تجارتی اداروں کو روشنیوں سے منور کیاجائے۔
مزید پڑھیں:National Integration Day سترہ ستمبر کو قومی یکجہتی کے دن کے طور پر منانے کا مطالبہ
یواین آئی
