کاروں کی مصنوعات فروخت کرنے والے، یہ نوجوان اپنی آمدنی کا کچھ حصہ پولیس کی صحت پر خرچ کرہے ہیں۔ پولیس ملازمین کو کورونا سے محفوظ رکھنے کیلئے ان نوجوانوں نے آمد و رفت کیلئے استعمال کی جانے والی پولیس کی گاڑیوں کو سیناٹائز کرنے کا فیصلہ کیا ہے۔
کل حیدرآباد سٹی پولیس کمشنر اس پروگرام کا افتتاح کریں گے۔
نوجوانوں نے بتایا کہ ایک ہفتہ قبل انہوں نے اس کا آغاز کیا۔ پہلے رضا کونڈا کمشنریٹ کی تمام گاڑیوں کو سیناٹائز کرنے کے بعد اب حیدرآباد سٹی پولیس کی گاڑیوں کو سیناٹائز کیا جائے گا۔
اس کام کو انجام دینے والے نوجوان محمد سہیل نے بتایا کہ،' لاک ڈاؤن کے بعد پولیس ملازمین بھی کورونا سے متاثر ہوئے اور کچھ نے اس کی وجہ سے اپنی جان گنوا دی۔ پولیس اہلکاروں کو کورونا سے متاثر علاقوں میں ملازمت انجام دیتے دیکھ کر انہیں پولیس کی صحت کا خیال آیا۔'
انہوں نے کہا کہ، 'آج کل خود کو سیناٹائز کرنے کا عمل عام ہوچکا ہے، لیکن گاڑیوں کو سیناٹائز نہیں کیا جارہا جو کہ نہایت ضروری ہے۔ کورونا سے متاثر افراد گاڑی کو چھولے تو پولیس ملازم اس کا شکار ہو سکتے ہیں۔ اسلئے انہوں نے اپنی ٹیم کے ہمراہ اس کا کا بیڑہ اٹھایا۔''
ایڈیشنل کمشنر ٹریفک انل کمار نے نوجوانوں کے اس اقدام کی ستائش کی ہے۔
