'محرم الحرام کے انتظامات مکمل'

محرم الحرم کا آغاز یکم ستمبرسے ہو رہا ہے۔ محرم اسلامی تقویم کا پہلا مہینہ ہے۔ اسے محرم الحرام بھی کہتے ہیں۔

اسلام سے پہلے بھی محرم کے مہینے کو انتہائی قابل احترام سمجھا جاتا تھا۔ اسلام نے یہ احترام جاری رکھا۔ اس مہینے میں جنگ و جدل ممنوع ہے۔ اسی حرمت کی وجہ سے اسے محرم کہتے ہیں۔

محرم کے مہینے سے نئے اسلامی سال کا آغاز ہوتا ہے۔

اس ضمن میں تلنگانہ ریاست کے دارالحکومت حیدرآباد کے سٹی کمشنر پولیس ایس انجنی کمار نے شیعہ کمیونٹی کے ساتھ ایک اجلاس منعقد کیا-

اس اجلاس میں رکن اسمبلی حلقہ یاقوت پورہ سید احمد پاشاہ قادری، نثار حسین آغا، ریاض الحسن آفندی رکن کونسل نے شرکت کی۔

سٹی کمشنر انجنی کمار نے کہا کہ محرم الحرام کے انتظامات مکمل ہوگئے ہیں-

انجنی کمار نے مہاتما گاندھی کا حوالہ دیتے ہوئے کہا کہ 'مہاتما گاندھی نے کہا تھا کہ حضرت سیدنا امام حسین رضی اللہ تعالی عنہ کے ساتھ جو 72 افراد تھے، اگر ایسے ہی 72 جان نچھاور کرنے والے اگر بھارت میں ہوتے تو بھارت کو آزادی سو برس پہلے ہی مل جاتی۔'