کانگریس پارٹی کے سابق رکن قانون ساز کونسل محمد علی شبیر نے پولیس کے ذریعہ مولانا حسام الدین جعفر پاشاہ کے ساتھ کی گئی بدسلوکی پر برہمی کا اظہار کیا ۔
محمد علی شبیر کا مولانا حسام الدین پاشاہ کے ساتھ ہوئی بدسلوکی پر ردعمل
محمدعلی شبیر نے ایک بیان جاری کرتے ہوئے کہا کہ محکمہ پولیس کی جانب سے مذہبی رہنما مولانا حسام الدین جعفر پاشاہ کے ساتھ بدسلوکی کو برداشت نہیں کیا جائے گا۔
انہوں نے وزیر اعلیٰ کے چندر شیکھر راؤ پر تنقید کرتے ہوئے کہا کہ وہ ریاست تلنگانہ میں لاک ڈان کے نام پر عوام کو پریشان کر رہے ہیں۔
انہوں نے کہا کہ وزیراعلی حیدرآباد یونیورسٹی کا نام تبدیل کرتے ہوئے پی وی نرسمہا راؤ کے نام سے موسوم کر رہے ہیں۔ انہوں نے وزیر اعلی کو مشورہ دیا کہ وہ پی وی نرسمہا راؤ کے نام سے ایک نئی یونیورسٹی قائم کریں اور حیدرآباد یونیورسٹی کا نام تبدیل نہ کریں۔
