وزیراعظم نریندر مودی نے آندھراپردیش کے وزیراعلی وائی ایس جگن موہن ریڈی اور تلنگانہ کے وزیراعلی چندرشیکھر راو سے ٹیلی فون پر دونوں ریاستوں میں مسلسل ہورہی بارش سے پیدا ہوئی صورتحال کے بارے میں معلومات حاصل کی اور مرکز کی طرف سے ہر ممکن مدد کا تیقن دیا۔
دونوں وزرائے اعلی سے بات چیت کے بعد وزیراعظم نے تیلگو میں ٹویٹ کیا جس میں انھوں نے لکھا 'دونوں ریاستوں میں شدید بارش سے پیدا شدہ صورتحال پر میں نے محترم راو اور محترم جگن موہن ریڈی سے بات چیت کی اور مرکز کی طرف سے راحت اور بچاو کام میں مدد کا یقین دلایا ہے۔'
وزیراعظم نے شدید بارش سے متاثرہ لوگوں کے ساتھ بھی ہمدردی کا اظہار کیا ہے۔ دونوں ریاستوں میں منگل سے شدید بارش سے جان و مال کا بہت نقصان ہوا ہے اور مختلف حادثات میں اب تک کم از کم 25 لوگوں کی موت ہوچکی ہے۔
آندھرا پردیش میں مسلسل بارش کی وجہ سے سیلاب جیسی صورتحال پیدا ہوئی ، وزیر اعظم نریندر مودی نے وزیر اعلی وائی ایس جگن موہن ریڈی سے بارش کے بعد کی صورتحال کا جائزہ لیا۔اس موقع پر جگن نے مودی کو متاثرہ لوگوں کی مدد کے لئے اہلکار جو اقدامات کر رہے ہیں اس کی وضاحت کی۔
متاثرہ علاقوں میں فوج اور این ڈی آر ایف کی ٹیمز راحت اقدامات انجام دے رہی ہیں، کئی افراد جو نشیبی علاقوں میں پھنسے ہوئے تھے۔ انھیں نکالا گیا ہے۔
یہ بھی پڑھیں:تلنگانہ میں اب تک 19 افراد ہلاک، بھارتی فوج راحت رسانی میں مصروف
