عادل آباد:مجلس نے تشکیل شدہ کمیٹی کو تحلیل کردیا

مجلس اتحاد المسلمین اور ٹی آر ایس کے حامیوں کے مابین ہوئے تصادم کے بعد مجلس نے عادل آباد میں تشکیل شدہ کمیٹی کو تحلیل کر دیا ہے۔

ریاست تلنگانہ کے عادل آباد محلہ ٹاٹی گوڑہ میں مجلس اور ٹی آر ایس کے حامیوں کے مابین پیش آئے واقعے کے بعد مجلس اتحاد المسلمین کے صدر نے عادل آباد ٹاون میں مجلس کی تشکیل شدہ کمیٹی کو تحلیل کر دیا ہے۔

اس تعلق سے مجلس اتحاد المسلمین کے معتمد عمومی سعید احمد پاشاہ قادری نے کہا کہ عادل آباد کے تشکیل شدہ کمیٹی کو فوری طور پر تحلیل کردیا ہے عنقریب عادل آباد ٹاون میں مجلس اتحاد المسلمین کی نئ کمیٹی کی تشکیل دی جائے گی-

واضح رہے کہ گزشتہ روز عادل آباد کے محلہ ٹاٹی گوڑہ میں مجلس اور ٹی آر ایس کے حامیوں کے بیچ ہوئے تصادم میں ایم آئی ایم کے ضلع صدر و سابق صدرنشین عادل آباد بلدیہ محمد فاروق احمد نے اپنی لائسنس یافتہ بندوق سے متعدد بار فائر کیا جس میں تین افراد زخمی ہوگئے تھے۔