مرکزکےمملکتی وزیر داخلہ کشن ریڈی نے کورونا کی دوسری لہر شروع ہونے کے ساتھ ہی لوگوں کو چوکس رہنے کا مشورہ دیا ہے۔
کشن ریڈی نے کہا کہ برطانیہ سے آنے والی پروازیں روک دی گئی ہیں، اور جو لوگ وہاں سے آئے ہیں۔ ان کی شناخت کی گئی ہے اور ان کے کورونا ٹیسٹ کروائے جارہے ہیں۔
مذکورہ وزیر نے کہا کہ بھارت حکومت کورونا کی دوسری لہر کو روکنے کے لیے پوری طرح چوکس ہے۔
ملک میں پھر ایک بار لاک ڈاون کے نفاذ کے امکان کو خارج کرتے ہوئے انھوں نے کہا کہ مرکزی حکومت نے لاک ڈاون کے دوبارہ نفاذ سے متعلق کوئی ارادہ نہیں کیا۔ تاہم اس سلسلے میں مرکز نے ریاستوں کو مکمل آزادی دی ہے کہ وہ اپنی ریاستوں میں حالات کو دیکھ کر لاک ڈاون نافذ کریں۔
اس ضمن میں انھوں نے مہاراشٹر اور کرناٹک کی مثال دی جہاں نائٹ کرفیو نافذ کیا گیا ہے۔
