آندھراپردیش کے وزیر انفارمیشن ٹکنالوجی ایم گوتم ریڈی جو دو دن پہلے حیدرآبادمیں دل کا دورہ پڑنے سے چل بسے تھے، کی آخری رسومات آندھراپردیش کے ان کے آبائی ضلع نیلور میں واقع میکاپاٹی انجینئرنگ کالج میں تمام سرکاری اعزازات کے ساتھ بدھ کی صبح انجام دے دی گئی۔
یہ بھی پڑھیں:
قبل ازیں نیلورسے اُودے گری تک ان کی لاش کو جلوس کے ذریعہ لایاگیا۔ان کی آخری رسومات میں وزیراعلی جگن موہن ریڈی، ریاستی وزرا،حکمران جماعت وائی ایس آرکانگریس کے لیڈران، کارکن، ان کے چاہنے والوں، رشتہ داروں اور دیگر اہم شخصیات نے شرکت کرتے ہوئے ان کو بھرپورخراج پیش کیا اور ریاست کے لئے ان کی خدمات کو یاد کیا۔ان تمام نے ایم گوتم ریڈی کے غمزدہ ارکان خاندان کو پُرسہ بھی دیا۔
یو این آئی
