حیدرآباد: بی آر ایس پارٹی کا چرچہ ملک بھر میں ہورہا ہے۔ یہی وجہ ہے کہ مختلف ریاستوں کے قائدین اور کارکنان بی آر ایس پارٹی میں شمولیت اختیار کر رہے ہیں۔ بی آر ایس پارٹی کا منشور تلنگانہ عوام کے لیے خوشیوں والا منشور ہے۔ جس میں تمام لوگوں کو ترقی نصیب ہوگی۔ بی آر ایس پارٹی نے ہمیشہ خواتین کی بھلائی اور ترقی پر زور دیا ہے۔ ان خیالات کا اظہار ریاستی وزیر داخلہ محمد محمود علی نے جمعرات کو گوشہ محل حلقہ اسمبلی کے ٹی جے ایس گریٹر حیدرآباد اقلیتی صدر محمد ظہور الدین، اور دیگر ساٹھ قائدین اور کارکنان، محمد شہاب الدین، خواجہ معین الدین، بل رام، شاہدہ بیگم، صالحہ بیگم اور دیگرکی بی آرایس پارٹی میں شمولیت کے بعد کیا۔ سینیر بی آر ایس قائد پُشٹے سری کانت کی قیادت میں ٹی جے سی اور کانگریس پارٹی کے ساٹھ قائدین نے تلنگانہ ریاستی وزیر داخلہ محمد محمود علی سے ملاقات کرتے ہوئے بی آر ایس پارٹی میں شمولیت اختیار کی، جنہیں وزیر داخلہ نے کھنڈوا پہناکر پارٹی میں شامل کیا۔
یہ بھی پڑھیں:
BJP workers Join BRS مقامی بی جے پی رہنما و کارکنان نے بی آر ایس میں شمولیت اختیار کی
اس موقع پر وزیر داخلہ نے کہا کہ بی آر ایس ایک عوامی پارٹی ہے جس میں تمام مذاہب کے لوگوں کی فلاح و بہبود اور ترقی کے لیے کام کیا جاتا ہے۔ پچھلے ساڑھے نو سالوں میں ریاست تلنگانہ نے جو ترقی حاصل کی ہے اس کی مثال ملک بھر میں کہیں نہیں ملتی۔ انہوں نے کہا کہ ملک بھر کی تمام ریاستوں میں پائی جانے والی سبھی اسکیمات، حکومت تلنگانہ میں پائی جاتی ہیں اور ان تمام پر عمل بھی کیا جارہا ہے۔یہ کارنامہ صرف اور صرف حکومت تلنگانہ کا ہے۔اسی لیے تلنگانہ حکومت کا چرچہ ملک بھر میں ہورہا ہے اورمختلف ریاستوں کے قائدین و کارکنان بی آر ایس پارٹی میں شمولیت اختیار کررہے ہیں۔ انہوں نے کہا کہ وزیر اعلیٰ کلوا کنٹلا چندرا شیکھر راؤ متعدد خوبیوں کے مالک ہیں، وہ اپنی سیکولرازم کے لیے ملک بھر میں معروف ہیں۔
انہوں نے کہا کہ تشکیل تلنگانہ سے ریاست ہر روز ترقی کی طرف گامزن ہے۔پچھلے نو سالوں میں ریاست تلنگانہ نے غیر معمولی ترقی حاصل کی ہے۔جس کی مثال ملک بھر میں کہیں نہیں ملتی۔وزیر موصوف نے کہا کہ سال 2014 سے قبل ریاست میں وظائف کے نام پر صرف دو سو روپیے فراہم کیے جاتے تھے۔ مگر تشکیل تلنگانہ کے بعد سے وظائف کی رقم میں مسلسل اضافہ کیا جارہا ہے۔ حکومت تلنگانہ نے اولڈ ایج (معمر)، بیواؤں، بنکروں، ایڈس مریضوں کو ہر ماہ 2016 روپیے وظائف جاری کررہی ہے، جبکہ جسمانی طور پر معذور افراد کے لیے 4016 روپیے ماہانہ وظیفہ دیا جارہا ہے۔ انہوں نے کہا کہ ملک بھر میں تلنگانہ کےسوا کسی اور ریاست میں سنگل ویمن کے لیے وظائف نہیں دیے جاتے۔ وزیر داخلہ نے کہا کہ چند افراد گجرات ماڈل کا ڈھنڈورا پیٹتے پھر رہے ہیں۔ جس کی کوئی حقیقیت نہیں ہے، گجرات کے لوگ ملازمت، بجلی، پانی اور دیگر مسائل سے دوچار ہیں۔ اور وہاں کے لوگ خطِ غربت سے نیچے والی زندگی بسر کررہے ہیں۔
انہوں نے کہا کہ اگر ملک بھر میں کوئی ریاست ماڈل ہے تو وہ صرف اور صرف تلنگانہ ریاست ہے۔ کیونکہ ریاست تلنگانہ کو پچھلے نو سالوں سے مجموعی طور پرغیر معمولی ترقی حاصل ہورہی ہے۔ انہوں نے کہا کہ تلنگانہ کے وزیر اعلیٰ کے سی آر نہ صرف تلنگانہ عوام کے دل دادہ ہیں، بلکہ دیگر ریاستوں کی عوام میں بھی کافی مقبول ہیں۔ ملک بھر کے عوام کی نظریں کے سی آر پر ٹکی ہوئی ہیں کہ وہ قومی سیاست میں وزیر اعظم کے طور پر ذمہ داری سنبھالیں تاکہ ملک کو تلنگانہ کی طرح کامیابی کی منزلیں طے کرائیں۔ وزیر موصوف نے کہا کہ کے سی آر نے تلنگانہ میں کسانوں کے لیے انوکھی اسکیمات کو عملی جامہ پہنایا ہے جن کو دیکھ کر دیگر پارٹیوں کے قائدین متعجب ہیں۔وزیر داخلہ نے اس ضمن میں رعیتو بندھو، رعیتو بیمہ، چوبیس گھنٹے مفت بجلی اور مفت پانی کا ذکر کیا۔ علاوہ ازیں اقلیتی ریسیڈینشیل اسکولس، چیف منسٹر اوورسیز اسکالرشپ، شادی مبارک، فیس ری امبرسمنٹ،سول سرویسز کی مفت کوچنگ، ڈبل بیڈروم مکانات اور دیگر اسکیمات کا تفصیلی ذکر کیا۔
محمد محمود علی نے پارٹی میں شا مل کارکنان کو مشورہ دیتے ہوئے کہا کہ پارٹی کے قوانین کے تحت خدمات انجام دیں۔پارٹی میں نو شامل شدہ ضلع چیئرپرسن شاہین سلطانہ نے کہا کہ تلنگانہ عوام کو کے سی آر کی قیادت والی حکومت ضروری ہے تاکہ تلنگانہ کی ترقی کا سلسلہ جاری رہے۔ انہوں نے کہا کہ تلنگانہ عوام بالخصوص مسلمانوں نے پچھلے 75 سالوں سے کانگریس اور تیلگودیشم پارٹیوں پر بھروسہ کرکے ان کا ساتھ دیا۔ لیکن ہر بار نا امیدی نصیب ہوئی۔ محمد ظہور الدین اور ان کے ساتھیوں نے بی آر ایس پارٹی میں شمولیت اختیار کرکے خوشی کا اظہار کیا اور کہا کہ وہ پارٹی کے اصولوں پر عمل پیرا رہیں گے۔ اور عوام کی خدمت کو اپنا نصب العین بنائیں گے۔اور آنے والے انتخابات میں بی آر ایس کو بھاری اکثریت سے کامیاب بناکر کے سی آر کو تیسری مرتبہ چیف منسٹر بنائیں گے۔ شاہ
