ضلع رنگاریڈی کے بوبلی گام گاوں کی رہنے والی جے مادھوی جو حاملہ ہے، معمول کے چیک اپ کے لئے، اپنی بہن اور بیٹی کے ساتھ بدھ کی صبح اسپتال پہنچی۔اس کے طبی معائنے مکمل ہونے کے بعد وہ رپورٹس حاصل کرنے کے لئے گئی۔ Kidnapped Baby Rescued
یہ بھی پڑھیں:Girl Kidnapped in North 24 Parganas: گارولیا ٹاؤن میں طالبہ کا اغوا، علاقے میں سنسنی
وہ رپورٹ حاصل کرنے کے لئے قطار میں ٹہری ہوئی تھی کہ اس کی بیٹی جے یوویکا لاپتہ ہوگئی۔مادھوی نے اس کی کافی تلاش کی کوشش کی تاہم اس کو ناکامی ہوئی۔بعد ازاں اس نے نامپلی پولیس سے اس بات کی شکایت کی جس کے بعد پولیس نے ایک معاملہ درج کرلیا اور سی سی ٹی وی کیمروں کی مدد سے اس کی تلاش شروع کردی۔ Hyderabad Police Found Kidnapped Baby
اس کی تلاش کے لئے پولیس کی 6ٹیمیں تشکیل دی گئی تھیں۔پولیس کو سی سی ٹی وی کیمروں کے فوٹیج کے تجزیہ سے پتہ چلا کہ ایک خاتون اسپتال سے اس لڑکی کو لے گئی۔پولیس نے اندرون چند گھنٹے اس لڑکی کو بچالیا۔اغواکرنے والی خاتون کی شناخت نارائن پیٹ کی رہنے والی سری دیوی کے طورپر کی گئی ہے۔اس کو شہر کے علاقہ عطاپور سے گرفتار کرتے ہوئے لڑکی کو بچالیاگیا۔
یواین آئی
