جے این یو طلباء سے اظہار یکجہتی کرتے ہوئے مظاہرین نے اتوار کی رات کے بعد ٹانک بنڈ پر امبیڈکر کے مجسمے کے قریب جمع ہوکر "طلباء برادری زندہ باد" جیسے نعرے لگائے اور "ہم آپ کے ساتھ جے این یو" لکھے ہوئے پلے کارڈز لگائے۔
حیدر آباد سینٹرل یونیورسٹی کا جے این یو سے اظہار یکجہتی
ایک سینیئر پولیس افسر نے بتایا کہ 'انہوں نے نعرے بازی کی اور موم بتی کی روشنی میں احتجاجی مظاہرہ کیا۔'
مظاہرین نے سی اے اے پر نریندر مودی حکومت کے خلاف نعرے بازی بھی کی۔
اسی طرح ، "ایچ سی یو اسٹوڈنٹس یونین" کے بینر تلے طلبا کے ایک گروپ نے بھی جے این یو تشدد کے خلاف احتجاج کیا۔
حیدرآباد یونیورسٹی میں یو او ایچ نے کیمپس میں اتوار کی رات دیر تک ایک ریلی نکالی ، "جے این یو طلباء پر وحشیانہ حملے" کی مذمت کرتے ہوئے اور اے بی وی پی کو اس تشدد کا ذمہ دار قرار دیتے ہوئے ملزمان کی گرفتاری کا مطالبہ کیا۔
