حیدرآباد کے گاندھی ہسپتال میں کورونا سے ہلاک خاتون کے سونے چاندی کے زیورات کی چوری ہوگئی۔اس سلسلے میں پولیس نے تین وارڈ بوائز کو ہراست میں لیا اور پوچھ گچھ کی جارہی ہے۔
تفصیلات کے مطابق کورونا سے متاثر ایک خاتون علاج کے لیے مذکورہ ہسپتال میں داخل ہوئی اور دوران علاج اس کی موت ہوگئی۔ اس خاتون کے شوہر نے پولیس میں شکایت کی کہ متوفی کے گلے سے زیوارت غائب ہے۔ جس کے بعد پولیس نے تین وارڈ بوائز کو ہراست میں لیا۔
کووڈ وارڈ کا عملہ جو پی پی ای کٹز ڈھک کر خدمات انجام دیتا ہے، بتایا گیا کہ عملے کے کچھ افراد پی پی ای کٹز کو ڈھال بناکر چوری کررہے ہیں۔ عملہ یہ کہکر بھی مریضوں کی اشیا لے رہا ہے کہ وارڈ میں ان چیزوں کو رکھنا منع ہے اور باہر ان کے افراد خاندان موجود ہیں انھیں زیورات فون وغیرہ پہنچا دئے جائیں گے۔
ہسپتال کے مریضوں نے سی سی ٹی وی کمیرے نصب کرنے کا مطالبہ کیا۔
