سری رام ساگر پروجیکٹ میں پانی کے بہاؤ میں اضافہ

ریاست مہاراشٹر کے بابلی پروجیکٹ کے دروازے کھولنے کے بعد سری رام ساگر پروجیکٹ میں پانی کا زائد بہاو درج کیا جارہا ہے۔

ریاست تلنگانہ کے ضلع نظام آباد کے سری رام ساگر پروجیکٹ میں پانی کے بہاو میں اضافہ درج کیا گیا۔ جس کے بعد پروجیکٹ کی سطح آب میں اضافہ ہوا۔ اس کی مکمل سطح آب 1091 فیٹ ہے تاہم اس کی موجودہ سطح آب 1071 فیٹ درج کی گئی۔

اس پروجیکٹ میں پانی کے بہاو کے بعد 5621 کیوسک پانی کا بہاو دیکھا گیا۔ ریاست مہاراشٹر کے بابلی پروجیکٹ کے دروازے کھولنے کے بعد سری رام ساگر پروجیکٹ میں پانی کا زائد بہاو درج کیا جارہا ہے۔