مولانا شان حیدر زیدی نے بتایا کہ اہل بیت اطہار علیہ اجمعین نے اور امام حسین رضی اللہ عنہ نے اپنی جانوں کی پرواہ کئے بغیرحق پر قائم رہے اور اللہ پر بھروسہ کیا لیکن باطل کے آگے سر نگوں نہ ہوئے۔
انہوں نے بتایا کہ جب کوئی حق پر ہوتا ہے تو اللہ کی نصرت اس کے ساتھ ہوتی ہے۔ بندے کو سچائی کی راہ پر چلنے سے گھبرانا نہیں چاہیئے خواہ اسے تنہا ہی کیوں نہ چلنا پڑے کیوں کہ اللہ اس کا نگہبان ہوتا ہے۔
شیعہ ذاکر نے واقعہ کربلا کو معجزہ قرار دیتے ہوئے کہا کہ حسین رضی اللہ عنہ کی شہادت کے غم میں شریک ہوتا ہے چاہے وہ کسی مذہب سے تعلق رکھنے والا ہو۔ شان حیدر زیدی نے بتایا کہ امام حسین کی شہادت سچائی اور حق کیلئے ہوئی اورچودہ صدیاں گزرنے کے بعد بھی پوری دنیا میں ان کا نام زندہ ہے جبکہ ان پر ظلم کرنے والے ظالموں کا کوئی نام لیوا نہیں اگر کوئی ان ظالموں کا نام بھی لیتا بھی ہے تو ان پر لعنت کرتا ہے۔
حیدر زیدی نے کہا کہ واقعہ کربلا تمام مسلمانوں کو حق پر قائم رہنے اور سچا ئی پر چلنے سے نہ گھرانے کی تعلیم دیتا ہے۔
