'میں نے مودی کے احترام میں ٹیکہ نہیں لیا'

تلنگانہ کی گورنر تمیلی سائی سوندرا راجن نے کہا کہ 'کورونا کے چیلنجز سے نمٹنے، بھارت نے ویکسین کےلیےکسی دوسرے ملک پر انحصارنہیں کیا بلکہ ہمارے سائنسدانوں نے نہ صرف بھارت بلکہ دوسرے ممالک کےلیے بھی ٹیکہ تیار کیا ہے۔ اور اس معاملے میں سائنسداں قابل مبارکباد ہیں۔'

گورنر تلنگانہ تمیلی سائی سوندرا راجن نے کہا کہ بھارت میں کورونا ویکسین دستیاب ہوجانا قابل فخر ہے۔

سوندرا راجن نے کہا وزیراعظم مودی کی ہدایت کا احترام کرتے ہوئے وہ ویکسین نہیں لے رہی ہیں۔ پہلے فرنٹ لائن ورکرس کو ٹیکہ دینے کے بعد وہ بھی عوام کے ساتھ ٹیکہ لیں گی۔

گورنر نے نمس ہسپتال میں کورونا ویکسینیشن مہم کا جائزہ لیا۔ گورنر نے کورونا بحران کے دوران دن رات کام کرنے والے فرنٹ لائن ورکرس سے اظہارتشکر کرتے ہوئے کہا کہ کورونا کے چیلنجز سے نمٹنے بھارت نے ویکسین کیلئے کسی دوسرے ملک پر انحصار نہیں کیا بلکہ ہمارے سائنسدانوں نے نہ صرف بھارت بلکہ دوسرے ممالک کیلئے بھی ٹیکہ تیار کیا ہے۔ اس معاملے میں سائنسداں قابل مبارکباد ہیں۔

گورنر نے کہا کہ وزیراعظم نریندر مودی ویکسین کی تیاری کا جائزہ لینے حیدرآباد پہنچے تھے۔ اس دورہ میں انہوں نے سائنسدانوں کی مکمل حوصلہ افزائی کی ہے جس کا نتیجہ ہیکہ بھارت ٹیکہ بنانے کے معاملے میں خودمختار ہونے کا دنیا کو ثبوت دیا ہے۔ گورنر نے کہا کہ ٹیکہ اندازی مہم کیلئے ریاستی حکومت نے بڑے پیمانے پر انتظامات کئے۔

ریاست کے 140 مراکز سے ٹیکہ اندازی مہم کا آغاز کیا گیا ہے۔ پہلے دن ہر سنٹر سے 30 افراد کو ٹیکہ دیا جائے گا۔ تمیلی سائی سوندرا راجن نے کہا کہ کورونا کا دوسرا ٹیکہ 28 دن بعد دیا جائے گا۔ ٹیکہ بالکل محفوظ ہے۔