حیدرآباد: ضرورت مندوں میں اناج تقسیم

کورونا وائرس کے قہر کی وجہ سے معاشی طور پر پسماندہ لوگوں میں مختلف فلاحی اور رفاہی تنظیموں کی جانب سے اناج تقسیم کیا گیا۔

ریاست تلنگانہ کے دارالحکومت حیدرآباد کے حلقہ جُبلی ہِلز کے ایرگاڈہ اور سلطان نگر کے غریب عوام میں راشن اور دیگر اشیائے خوردنی تقسیم کی گئی۔

اس موقع پر سکینہ فاؤنڈیشن کے صدر آصف حسین سہیل نے کہا کہ 'حکومت لاک ڈاؤن میں غریب عوام میں راشن تقسیم کرنے میں ناکام رہی ہے، اسی لیے ہم یہ کام کر رہے ہیں۔'

انہوں نے جُبلی ہِلز کے رکن اسمبلی سے اپیل کی کہ وہ غریب محلوں کا جائزہ لیں اور مستحقین کو راشن فراہم کریں۔