حیدرآباد: مکہ مسجد میں نماز تراویح نہیں ہوگی

حیدر آباد میں واقع تاریخی مکہ مسجد میں لاک ڈاؤن کے اعلان کے بعد جمعہ کی نماز میں محض پانچ مصلیان ہی شامل ہو رہے ہیں کیوںکہ حکومت کی جانب سے ہدایت جاری کی گئی ہے کہ مسجدوں میں نماز کے لیے جمع ہونے سے گریز کریں۔

جمعہ کا دن ہونے کی وجہ سے مکہ مسجد کے آس پاس زبردست سکیورٹی انتظامات دیکھے گئے۔

مکہ مسجد کے خطیب و امام مولانا حافظ محمد رضوان قریشی نے بتایا کہ لاک ڈاؤن میں مکہ مسجد میں چوتھی جمعہ کی نماز ادا کی گئی۔

انہوں نے کہا کہ تاریخی مکہ مسجد میں لاک ڈاؤن کے اعلان کے بعد جمعہ کی نماز میں پانچ مصلیان ہی شرکت کر رہے ہیں۔

اس کے علاوہ مولانا نے کہا کہ کورونا وائرس کے پیش نظر اس مرتبہ مکہ مسجد میں نماز تراویح کا اہتمام نہیں کیا جائے گا اور لوگ رمضان المبارک میں بھی اپنے اپنے گھروں میں ہی عبادات کریں، اس کے علاوہ افطار پارٹی سے بھی گریز کریں۔