نئی دہلی: افریقی ملک گنی میں فٹبال میچ کے دوران شائقین کے درمیان تصادم میں 100 سے زائد افراد کی ہلاکت کا خدشہ ہے۔ کئی بین الاقوامی میڈیا رپورٹس نے یہ انکشاف کیا ہے۔ اس تشدد کی کئی ویڈیوز بھی سوشل میڈیا پر وائرل ہو رہی ہیں تاہم اس کی تصدیق نہیں ہو سکی۔ ویڈیو میں میچ کے باہر سڑک پر افراتفری کا ماحول دکھائی دے رہا ہے اور کئی لاشیں زمین پر پڑی ہیں۔
Many feared dead due to violence after a football match in guinea . pic.twitter.com/1vNVxhvxkz
— Abhishek Kumar Singh🇮🇳🇮🇳 (@Abhishe9828896) December 2, 2024
میچ میں ایک طرف افراتفری مچی تو دوسری طرف ہزاروں شائقین سڑکوں پر نکل آئے اور ایک دوسرے پر حملہ کیا۔ کچھ نے تھانے کو آگ لگا دی۔ ان پرتشدد جھڑپوں میں کئی لوگ اپنی جانوں سے ہاتھ دھو بیٹھے اور کئی شدید زخمی ہوئے۔ جگہ جگہ لاشیں بکھری پڑی تھیں اور صورتحال مزید الجھ گئی تھی۔ اس سے متعلق تصاویر اور ویڈیوز وائرل ہو رہے ہیں۔
مزید پڑھیں: شاہ زیب خان کی طوفانی سنچری، بھارت کو پاکستان کے ہاتھوں شکست کا سامنا
100 سے زائد افراد ہلاک ہو گئے۔
ایک ڈاکٹر نے نام ظاہر نہ کرنے کی شرط پر میڈیا سے بات کرتے ہوئے اے ایف پی کو بتایا کہ، "اسپتال میں جہاں تک نظر جاتی ہے لاشیں پڑی ہیں۔" مردہ خانہ بھرا ہوا ہے۔ انہوں نے کہا کہ 100 کے قریب افراد ہلاک ہو چکے ہیں، انہوں نے مزید کہا کہ ہلاکتوں میں مزید اضافے کا خدشہ ہے۔
