حیدرآباد: سکینہ فاؤںڈیشن کی جانب سے فری آکسیجن سلنڈر

ملک بھر میں کورونا متاثرین کی تعداد میں زبردست اضافے کے سبب آکسیجن کی کمی سے بڑی تعداد میں مریضوں کی موت ہورہی ہے۔

ملک کے مختلف شہروں کی مساجد میں مفت آکسیجن سلینڈر کا انتظام کیا گیا ہے۔

وہیں حیدرآباد میں بھی نجی تنظیموں کی جانب سے آکسیجن سلنڈر مفت سپلائی کیا جارہا ہے - حیدرآباد کی معروف تنظیم سکینہ فاونڈیشن کی جانب سے لاکھوں روپے کا آکسیجن سلینڈر فراہم کیا جا رہا ہے -

ایک کورونا مریضہ کو دیر رات ضلع عادل آباد سے شہر حیدرآباد منتقل کیا جارہا تھا راستہ میں آکسیجن ختم ہوگیا جس کے بعد سکینہ فاونڈیشن کے صدر آصف حسین سہیل کو اطلاع دی گئی، اور انہوں نے آکسیجن سلینڈر فراہم کیا -

حیدرآباد میں مسلسل آکسیجن کی کمی ہورہی ہیں اور ہسپتالوں میں بیڈ دستیاب نہیں ہے جس کی وجہ سے مریضوں کو گھروں میں علاج کروانا پڑ رہا ہے۔

واضح رہے کہ سکینہ فاونڈیشن ابھی تک 15 لاکھ روپے کے آکسیجن سلینڈرس مفت میں تقسیم کرچکی ہیں -

10سال سے فاونڈیشن کی جانب سے روزانہ 100 تا 150 لوگوں کے دوپہر کے کھانے انتظام بھی کیا جاتا ہے ۔