پولیس نے بتایا کہ 34 سالہ شخص جو مغربی بنگال کا رہنے والا تھا ٹینک بینڈ سے حسین ساگر میں چھلانگ لگاکر خودکشی کرلی جبکہ اسے کورونا وائرس کا شکار ہونے کا شک تھا۔
قبل ازیں اس کا مقامی کلینک میں ایک ہفتہ تک زیرعلاج چلتا رہا اور اس میں کوویڈ سے متعلق علامات ظاہر ہورہی تھیں تو ڈاکٹر نے اسے نجی ہسپتال سے داخل ہونے کا مشورہ دیا تھا۔
اطلاعات کے مطابق نجی ہسپتالوں میں بستروں کی کمی کے سبب وہ ہسپتال میں داخل نہ ہوسکا اور 3 جولائی کی شام اسے سانس لینے میں تکلیف محسوس ہوئی۔ جس کے بعد اس نے اپنے ایک دوست کو طلب کیا ٹینک بینڈ لے جانے کی گذارش کی۔ وہاں پہنچ کر اس نے حسین ساگر میں چھلانگ لگادی۔
پولیس نے حسین ساگر سے لاش کو نکال کر پوسٹ مارٹم کےلیے عثمانیہ ہسپتال منتقل کردیا۔
