الیکشن کمیشن نے واضح کردیا ہے کہ تلنگانہ کے حضور آباد اسمبلی حلقہ کا ضمنی انتخاب دسہرہ کے بعد کروایا جائے گا۔
الیکشن کمیشن نے اس حلقہ کے ضمنی انتخاب کے سلسلہ میں ردعمل ظاہر کرتے ہوئے کہاکہ تہواروں کے سیزن کے بعد ہی اس حلقہ کا ضمنی انتخاب کروانے کی تلنگانہ حکومت نے کمیشن سے خواہش کی ہے جس کے بعد اکتوبر یا پھر نومبر میں اس حلقہ کا ضمنی انتخاب کروایا جائے گا۔
- مزید پڑھیں: مغربی بنگال میں ضمنی انتخابات کے لیے تاریخ کا اعلان کرنے کا مطالبہ
- ضمنی اسمبلی الیکشن کے بعد ہی میونسپل کارپوریشن کے انتخابات ہوں گے: ممتا
- بنگال میں ضمنی انتخابات جلد از جلد کرانے کی اپیل
مذکورہ اسمبلی حلقہ کا ضمنی انتخاب ضروری ہوگیا ہے، کیونکہ اراضیات پر غیر مجاز قبضوں کے الزامات کے بعد تلنگانہ کابینہ سے برطرف کیے جانے کے بعد ای راجندر نے اس حلقہ سے اپنا استعفی پیش کردیا تھا۔ انہوں نے ساتھ ہی حکمران جماعت ٹی آرایس کی رکنیت سے بھی استعفی دے دیا تھا اور بی جے پی میں شامل ہوگئے تھے۔ کمیشن نے اے پی کے بدویل کے ضمنی انتخاب کو بھی دسہرہ کے بعد منعقد کرنے کا فیصلہ کیا ہے۔
یو این آئی
