تلنگانہ کے جنگاؤں ضلع کے لنگالاگھن پور دیہات کی رہنے والی انجماں کا وظیفہ تقریبا ایک سال سے روک دیا گیا تھا۔ Human Rights Commission on Declaring Woman Dead
اس ضعیف خاتون نے عہدیداروں سے اس سلسلہ میں کئی مرتبہ نمائندگی کی جو لاحاصل رہی۔ بعد ازاں اس نے گرینونس سل کے ذریعہ کلکٹر سے اس سلسلہ میں شکایت کی۔کلکٹر نے اس شکایت کا نوٹ لیتے ہوئے عہدیداروں کو ہدایت دی۔
جب انجماں کے وظیفہ کی رقم کی عدم اجرائی کی وجوہات معلوم کی گئیں تو پتہ چلا کہ ریکارڈ میں اس ضعیف خاتون کو مردہ قرار دیا گیا ہے جس کی وجہ سے اس کے وظیفہ کی رقم روک لی گئی ہے۔
اس معاملہ پر عہدیداروں نے الزامات ایک دوسرے پرعائد کئے اور اس معاملہ سے خود کو الگ کرنے کی کوشش کی۔
یہ بھی پڑھیں:
بعض اخبارات میں اس خبر کی اشاعت کے بعد ریاستی انسانی حقوق کمیشن نے اس کا اپنے طورپر نوٹ لیا اور ہدایت دی کہ فوری طور پر خاتون کا وظیفہ جاری کیا جائے۔ ساتھ ہی ضلع کلکٹر جنگاوں کو ہدایت دی کہ اس واقعہ کے لئے ذمہ دار عہدیداروں کے خلاف کارروائی کی جائے۔
یو این آئی
