مکان منہدم،ماں اور دو کمسن بچیاں ہلاک

منگل کی رات یہ حادثہ اس وقت پیش آیا جب وہ تینوں اپنے مکان میں محو خواب تھے۔

تلنگانہ بھرمیں بارش کا سلسلہ جاری ہے۔ بارش کے دوران مکان منہدم ہونے کی وجہہ سے ماں اور دو بچوں کی موت ہوگئی۔ یہ حادثہ ضلع محبوب نگر، گنڈیڑمنڈل کے پگڑیال میں منگل کی رات اس وقت پیش آیا جب وہ تینوں اپنے مکان میں محو خواب تھے۔

مہلوکین کی شناخت 38 سالہ شرنماں، 13 سالہ ویشنوی اور9 سالہ بھوانی کی حیثیت سے کرلی گئی ہے۔ معلوم ہوا ہے کہ خاتون کا شوہراوربیٹا مکان کے باہرسوئے ہوئے تھے۔ وہ اس حادثہ میں محفوظ رہے۔

واضح رہے کہ تلنگانہ میں مسلسل بارش سےنہریں بھر گئی،سڑکوں پر پانی جمع ہوگیا اور کئی گھروں کو نقصان پہنچا ہے۔