بنڈارو دتاتریہ کار حادثہ میں محفوظ

ہماچل پردیش کے گورنر بنڈارو دتاتریہ کی کار قومی شاہراہ 65 پر حادثہ کا شکار ہوگئی جبکہ وہ اس حادثہ میں محفوظ رہے۔

حیدرآباد۔وجئے واڑہ ہائی وے پر آج بنڈارو دتاتریہ کی کار اتفاقیہ طور پر پھسل گئی۔ حادثہ کے بعد کار میں سوار کوئی بھی شخص زخمی نہیں ہوا، تاہم سابق بی جے پی رہنما دتاتریہ بھی محفوظ رہے۔

اطلاعات کے مطابق ڈرائیور کے اچانک اسٹیرنگ گھمانے سے گاڑی بے قابو ہوگئی اور سڑک سے پھسل گئی۔ پولیس کے مطابق حادثہ کا واقعہ قومی شاہراہ 65 پر پیش آیا۔

ہماچل پردیش کے گورنر حیدرآباد سے ایک پروگرام میں شرکت کےلیے نلگنڈہ جارہے تھے کہ اچانک سڑک حادثہ پیش آیا جس کے بعد انہوں نے دوسری گاڑی کے ذریعہ سفر کو جاری رکھا۔