تلنگانہ میں محکمہ موسمیات نے منگل سے تلنگانہ کے تمام اضلاع میں آئندہ چار دنوں کے دوران گرج و چمک کے ساتھ تیز بارش کے امکانات ظاہر کیے ہیں۔
محکمہ موسمیات نے کہا ہے کہ ضلع آصف آباد، منچریال، نرمل، نظام آباد، سوریا پیٹ، ورنگل، روال اربن، سدی پیٹ، یادگیری، بھونگیر، رنگاریڈی، حیدرآباد، کامارڈیڈی میں بارش کے امکان ہیں۔
واضح رہےکہ گزشتہ برس طوفانی بارش کے باعث 100 سے زیادہ لوگوں کی اموات واقع ہوئی تھی۔ حیدرآباد کے کئی علاقوں میں بارش سے ہزاروں گھروں میں پانی داخل ہونے کی وجہ سے لاکھوں روپے کا نقصان ہوا تھا اور بڑے پیمانے پر تباہی و بربادی ہوئی تھی۔تالابوں کے پشتہ ٹوٹنے سے بابا نگر، عثمان نگر اور دیگر بستیوں کو بےتحاشہ نقصان پہنچا تھا۔
اس سال بھی بارش کے امکانات ہیں لکین حکومت کی جانب سے ابھی تک کوئی بارش کے پانی کی نکاسی کا منصوبے تیار نہیں کیا گیا ہے۔عوام پہلے بھی طوفانی بارش کے سبب کافی نقصان جھیل چکی ہے اور اگر حکومت ابھی بھی کوئی ٹھوس قدم نہیں اٹھاتی ہے تو عوام کے لیے مزید پریشانیاں کھڑی ہوسکتی ہیں۔
