حیدرآباد: خلیج بنگال میں ہوا کے کم دباو کے سبب ریاست تلنگانہ کے ساحلی اضلاع میں طوفان کا خطرہ منڈلانے لگا ہے جس کے سبب پوری ریاست میں موسلا دھار بارش کا سلسلہ جاری ہے۔ گریٹر حیدرآباد میں بھی موسلا دھار بارش کا سلسلہ جاری ہے۔محکمہ نے کہا کہ اس کے زیر اثر اگلے 24 گھنٹوں کے دوران شمال مغرب اور ملحقہ مغربی وسطی خلیج بنگال کے اوپر کم دباؤ کا علاقہ بننے کا امکان ہے۔
جی ایچ ایم سی نے شدید بارش کے پیش نظر حیدرآباد کے عوام کو وارننگ جاری کی ہے۔لوگوں کو مشورہ دیا کہ اگر ضروری ہو تو ہی باہر آئیں ورنہ گھر پر رہے۔اس سلسلے میں ٹول فری نمبر قائم کیے گئے ہیں۔
عوام اپنی کالونیوں میں مسائل کے حل کے لیے ٹول فری نمبر 040- 21111111، 9000113667 پر ربط پیدا کریں ۔ ڈیزاسٹر ٹیموں کو بھی چوکنا رہنے کی ہدایات جاری کی ہیں۔محکمہ موسمیات کا کہنا ہے کہ لوگوں سے احتیاطی تدابیر پر عمل کرنے کی اپیل کی گئی ہے۔اگلے 24 گھنٹوں کے دوران بارش میں مزید تیزی آنے کا امکان ہے۔
یہ بھی پڑھیں:Telangana Congress Protest بجلی کے مسئلے پر تلنگانہ اسمبلی کے باہر کانگریس کے ارکان اسمبلی کا مظاہرہ
انہوں نے کہاکہ موسلا دھار بارش کے ساتھ ساتھ تیز ہوائیں بھی چلیں گی۔ساحلی اضلاع میں رہنے والوں لوگوں سے احتیاط برتنے کی اپیل گئی ہے۔ماہی گیروں کو سمندر میں کشتی نا اتارنے کا مشورہ دیا گیا ہے۔
