تلنگانہ کے ضلع کریم نگر کی دو دادیاں، جنگام آگما اور گُرم لچما جن کی عمر بالترتیب 93 اور 94 برس ہے، کورونا سے صحتیاب ہوچکی ہیں۔
مذکورہ دو ضعیف خواتین کے بخار میں مبتلا ہونے کے بعد پچھلے ماہ کی 26 تاریخ کو کورونا مثبت ہونے کی تصدیق ہوئی جس کے بعد سے مذکورہ ضعیف خواتین نے ڈاکٹرز کے ہدایات پرعمل کرتے ہوئے کورونا کو شکست دی ہے۔ یہ دونوں رشتے میں بہنیں ہیں۔
بتایا گیا کہ آگما کے بیٹے بہو اور پوتا بھی کورونا مثبت پائے گئے، ان تمام کو گھر پر ہی رکھ کر علاج کیا گیا اور وہ صحتیاب ہوگئے۔ مذکورہ ضعیف خاتون نے کہا کہ وقت پر دوا اور احتیاط برتنے اور صفائی کا خیال رکھنے سے وہ صحتیاب ہوئی ہیں۔
جبکہ لچما نے سرکاری ہسپتال میں علاج کروایا اور کچھ دن قرنطینہ مرکز میں رہیں، اور وہ بھی صحتیاب ہوگئیں۔
