مرکزی حکومت نے تلنگانہ میں چاول کی خریداری کے آپریشنس کو بحال کرنے کا فیصلہ کیا ہے۔ مرکزی وزیر برائے امور صارفین پیوش گوئل نے یہ بات بتائی۔ انہوں نے تلنگانہ حکومت پر نکتہ چینی کرتے ہوئے کہا کہ ریاستی حکومت نے مرکز کی بار بار یاد دہانی کے باوجود پردھان منتری غریب کلیان یوجنا کے تحت چاول کی اپریل اور مئی میں غریبوں میں تقسیم نہیں کی۔ Union Government on Rice Procurement in Telangana
انہوں نے مزید کہا کہ حکومت تلنگانہ نے پہلے ہی اپریل اور مئی میں ڈی سینٹرالائزڈ پروکیورمنٹ سسٹم سے 1.90 لاکھ ٹن اسٹاک کو حاصل کر لیا ہے تاہم یہ اسٹاک اس اسکیم کے استفادہ کنندگان میں تقسیم نہیں کیا گیا۔ وزارت امور صارفین، غذا اور نظام تقسیم کی جانب سے جاری کردہ ریلیز کے مطابق بیشتر مسائل پر ریاستی حکومت کی یقین دہانیوں کے پیش نظر مرکز نے سنٹرل پول کے تحت چاول کی فراہمی کو بحال کیا۔مرکزی حکومت ہمیشہ کسانوں کے مفادات کے تحفظ کے تئیں پابند عہد ہے۔ریاستی حکومت کو مشورہ دیاگیا ہے کہ وہ ان مسائل پر حقیقی جذبہ کے ساتھ یقین دہانیوں کو پورا کرے جو کسانوں اور ملنگ انڈسٹری کے مفادات سے متعلق ہیں۔
یواین آئی
