جی ایچ ایم سی انتخابات: یاقوت پورہ میں مجلس کی انتخابی مہم

حیدرآباد میں جی ایچ ایم سی انتخابات کےلیے سیاسی سرگرمیاں عروج پر ہیں۔ تمام سیاسی پارٹیوں کی جانب سے انتخابی مہم چلائی جارہی ہے۔

گریٹر حیدرآباد میونسپل کارپوریشن انتخابات کے لیے مجلس اتحاد المسلمین کی جانب سے زور و شور سے مہم چلائی جارہی ہے۔ حلقہ اسمبلی یاقوت پورہ میں مجلسی امیدواروں کےلیے مہم چلاتے ہوئے رکن اسمبلی سید احمد پاشاہ قادری نے ایک روڈ شو منعقد کیا جس میں سینکڑوں لوگوں نے شرکت کی۔

روڈ شو کے دوران احمد پاشاہ قادری نے عوام کو مجلسی امیدواروں کو بھاری اکثریت سے کامیاب بنانے کی اپیل کی۔ انہوں نے عوام کو یکم دسمبر کو منعقد ہونے والے انتخابات میں مجلس کے حق میں اپنے ووٹ دینی کی خواہش کی۔

جی ایچ ایم سی انتخابات میں بی جے پی، کانگریس، ٹی آر ایس اور مجلس کے درمیان کانٹے کا مقابلہ ہے۔ 29 نومبر کو انتخابی مہم کا اختتام عمل میں آئے گا۔