شہر حیدرآباد کے گاندھی اسپتال میں کام کرنے والے آوٹ سورسنگ ملازمین، سینیٹائزیشن ورکرس، سیکوریٹی گارڈس اور پیشنٹ کیئر اسٹاف نے آج ( 15 جولائی 2020) سے ہڑتال شروع کردی ہے۔
ان ملازمین کی ہڑتال کو مزدور یونین سی آئی ٹی یو کی تائید حاصل ہے۔
گذشتہ کئی دنوں سے اسپتال میں کام کرنے والے درجہ چہارم کے ملازمین تنخواہوں میں اضافہ کے ساتھ ساتھ کئی ایک مسائل کی یکسوئی کے لئے انتظامیہ اورحکومت سے کئی مرتبہ مطالبہ کرچکے ہیں لیکن ان کے مسائل حل نہیں کئے جارہے ہیں۔ ان ہی حالات کے پیش نظر آج سے یہ ہڑتال شروع کی گئی ہے۔
ان ملازمین نے کہا کہ 'وہ اپنی جان پر کھیل کر کورونا کے مریضوں کا علاج کررہے ہیں تاہم ان کو مناسب تنخواہیں ادا نہیں کی جارہی ہیں'۔
مزید پڑھیں: عثمانیہ ہسپتال کے سپرنٹنڈنٹ کووڈ-19سے متاثر
انہوں نے مطالبہ کیا کہ حکومت فوری پر ان کے مطالبات کو پورا کرے۔ اس ہڑتال کے نتیجہ میں اسپتال کی او پی ڈی اور دیگر خدمات متاثر رہیں۔
