ٹی آرایس رہنما پرحملہ

دیوئیا نے الزام لگایا کہ پی کنکیش اور کرانتی اس حملہ کے پس پردہ ہوسکتے ہیں۔ کیونکہ ان سے اراضی کا تنازعہ چل رہا ہے۔

تلنگانہ کی حکمران جماعت ٹی آرایس کے رہنما این دیوئیا پر، چار نامعلوم افراد نے حملہ کردیا۔یہ واردات کل شب تلنگانہ کے ضلع پداپلی میں پیش آیا۔پولیس نے شبہ ظاہر کیا کہ اراضی کا تنازعہ حملے کی وجہ ہے۔پولیس نے کہاکہ کل شب تقریبا 12بجے چار افراد دیوئیاکے مکان پہنچے اور دروازہ کھٹکھٹایا۔رہنما جو سورہے تھے۔دروازے کی دستک سن کر دروازہ کھولا جس کے بعد ان افراد نے ان کو باہر آنے کی ہدایت دی۔

جب انھوں نے باہر آنے سے انکار کیا تو ان افراد نے دیوئیا کی کالر کھینچ کر باہر نکالا اور تاریکی میں سنسان مقام پر لے گئے جہاں ان کی بُری طرح پٹائی کردی۔ایک شخص نے پستول نکالی اور ان کو مارنے کی دھمکی دی۔اسی دھینگامشتی میں پستول زمین پر گر گئی۔اسی دوران دیوئیا کی چھوٹی بیٹی سومیا جو یہ تمام منظر دیکھ رہی تھی، مدد کے لئے چیخ وپکار شروع کردی۔اس چیخ وپکار پر حملہ آور وہاں سے فرار ہوگئے۔

بعد ازاں دیوئیا نے پولیس کو اس سلسلہ میں اطلاع دی، جس کے بعد پولیس وہاں پہنچی جس نے جانچ شروع کردی۔دیوئیا نے الزام لگایا کہ پی کنکیش اور کرانتی اس حملہ کے پس پردہ ہوسکتے ہیں کیونکہ ان سے اراضی کا تنازعہ چل رہا ہے۔پولیس مختلف زاویوں سے اس معاملہ کی جانچ کررہی ہے۔