حیدرآباد: ریاست تلنگانہ کی وزیر تعلیم سبیتا اندرا ریڈی Telangana Minister Sabitha Indra Reddy نے کہا ہے کہ وزیر اعلیٰ کے چندر شیکھر راؤ پچھلے تین سالوں سے لائبریریوں کو ترقی دینے کے اقدامات کررہے ہیں۔ انہوں نے کتب خانہ آصفیہ ( اسٹیٹ سنٹرل لائبریری ) افضل گنج میں نیشنل لائبریری ہفتہ تقاریب کا آغاز کیا۔ انہوں نے کہا کہ اس لائبریری کی ایک تاریخ ہے۔ Four Major Libraries to be set up in Hyderabad Minister Sabitha Indra Reddy
یہ بھی پڑھیں:
اس موقع پر تلنگانہ کی وزیر تعلیم سبیتا اندرا ریڈی نے کہا کہ لائبریریاں مسابقتی امتحانات کی تیاری کرنے والوں کے لیے بہت مفید ہیں۔ انہوں نے شہر حیدرآباد میں 4 بڑی لائبریریاں قائم کرنے کا وعدہ کیا ہے۔ وزیر نے کہا کہ مستقبل میں مزید لائبریریاں ہونی چاہئیں۔ حکومت کی جانب سے شہر میں موجودہ لائبریریوں کو ترقی دی جائے گی۔ انہوں نے کہا کہ ہر اسکول اور کالج میں لائبریری قائم کی جا رہی ہے۔
یو این آئی
