تلنگانہ میں منوگوڑو اسمبلی حلقہ کے ضمنی انتخاب سے قبل حکمران جماعت ٹی آرایس کو آج اس وقت شدید دھکہ لگا جب اس پارٹی کے سینئر لیڈر و سابق رکن پارلیمان بورا نرسیا گوڑ نے ٹی آر ایس پارٹی سے استعفیٰ دے دیا۔ انہوں نے پارٹی کی ابتدائی رکنیت سے استعفیٰ دیتے ہوئے وزیراعلی و صدر ٹی آر ایس چندرشیکھرراو کومکتوب روانہ کیاجس میں انہوں نے تلنگانہ تحریک اور 2009 سے پارٹی میں ان کی سرگرمیوں کا ذکر کیا۔ Former MP Bora Narsaiah Goud Resigned from TRS
انہوں نے نشاندہی کی کہ 2019 میں ایم پی کے طور پر ہارنے کے بعد انہیں کافی توہین کا سامنا کرنا پڑ رہا ہے۔ انہوں نے افسوس کا اظہار کیا کہ انہیں وزیراعلی سے ملنے کا موقع نہیں دیا گیا حالانکہ وزیراعلی جانتے تھے کہ وہ پیروی کرنے والے شخص نہیں ہیں۔ نرسیا گوڑ نے تین صفحات پر مشتمل اس مکتوب میں ان کے ساتھ ہوئی ناانصافیوں کا تفصیلی ذکر کیا۔2014میں بورا نرسیا گوڑ نے ٹی آر ایس پارٹی سے بھونگیر ایم پی کی حیثیت سے کامیابی حاصل کی۔ Bora Narsaiah on TRS Leaders
انہوں نے 2019 کے پارلیمانی انتخابات میں بھونگیر سے دوبارہ انتخاب لڑا اور ہار گئے۔ان کا الزام ہے کہ ایک خفیہ مہم چلاتے ہوئے پارٹی کے چند لیڈروں نے انھیں شکست دلائی۔ بورا نرسیا گوڑ نے بھی اسی معاملے پر پارٹی قیادت سے شکایت کی تھی۔ اسی دوران نرسیا گوڑ کے قریبی افراد نے بتایا کہ وہ بہت جلد بی جے پی میں شامل ہونے والے ہیں۔ Telangana Latest News
یہ بھی پڑھیں: Distribution of liquor bottles and chicken ٹی آر ایس رہنما نے چکن اور شراب تقسیم کیا
