حیدرآباد: تلنگانہ کے ضلع نرمل کے گنجال ٹول پلازہ کے قریب ایک چلتی بس میں آگ لگ گئی تاہم اس واقعہ میں تمام مسافرین محفوظ ہیں۔ ذرائع کے مطابق یہ پرائیویٹ ٹراویلس کی بس مہاراشٹر کے ناگپور سے حیدرآباد جارہی تھی۔ کل رات پیش آئے اس واقعہ کے وقت بس میں 29 مسافرین سوار تھے۔ اس بس کے ٹول پلازہ کے قریب پہنچتے ہی اس میں اچانک آگ لگ گئی۔ بتایا جاتا ہے کہ بس کے ڈرائیور نے سب سے پہلے انجن میں یہ آگ دیکھی اور مسافرین کو اس بات کی اطلاع دی جس کے ساتھ ہی چوکس مسافرین نے بس سے کود کر جان بچائی۔ Fire in Bus in Nirmal
سمجھا جاتا ہے کہ شارٹ سرکٹ آگ لگنے کی وجہ ہے۔ اس واقعہ میں کسی کے جھلسنے یا پھر کسی کی موت کا پتہ نہیں چلا ہے البتہ مسافرین کا سامان جل کر مکمل طور پر خاکستر ہوگیا۔ اطلاع ملتے ہی فائر بریگیڈ کے اہلکاروں نے موقع پر پہنچ کر آگ پر قابو پایا۔ پولیس نے اس سلسلہ میں ایک معاملہ درج کرکے جانچ شروع کردی۔
یہ بھی پڑھیں: کولکاتا: بس ٹرمنس میں کھڑی 4 بسیں جل کر خاک
یو این آئی
