خبر کے مطابق یہ واقعہ کل شب پیش آیا۔ عمارت کے مالک نے میڈیا کو بتایا کہ شارٹ سرکٹ کی وجہ سے یہ آگ لگی۔ انہوں نے کہا کہ اس واقعہ میں کوئی جانی نقصان نہیں ہوا تاہم گھر میں رکھا فرنیچر، ورزش کا سامان جس کی مالیت تقریباً چار تا پانچ لاکھ روپئے ہے، جل کر خاکستر ہوگیا۔
آگ لگنے کے واقعہ کے بعد جب آگ پر قابو پالیا گیا تو عمارت کے مالک نے میڈیا سے کہا کہ مقامی افراد اور فائر بریگیڈ کے اہلکاروں نے مل کر آگ پر قابو پایا۔ بتایا جارہا ہے کہ یہ آگ معمولی نوعیت کی تھی۔ اس میں کسی کے جھلسنے کی بھی کوئی اطلاع نہیں ملی ہے۔
