حیدرآباد: فرضی سوشل میڈیا اکاؤنٹ سے ہراساں کرنے پر فلم ساز گرفتار

تلنگانہ سے فرضی سوشل میڈیا اکاؤنٹ کے ذریعہ خاتون گلوکارہ کو ہراساں کرنے کے الزام میں ایک فلم ساز کو گرفتار کیا گیا ہے۔

تلنگانہ کی رچہ کنڈہ پولیس نے ایک ابھرتے ہوئے فلم ساز کو بنگلورو سے گرفتار کیا جس پر فرضی سوشل میڈیا اکاونٹ بناتے ہوئے خاتون گلوکارہ کو ہراساں کرنے کا الزام ہے۔

گرفتارشخص کی شناخت بنگلورو کے انکیل تعلقہ کے رہنے والے 34سالہ ایم نوین کمار کے طورپر کی گئی ہے، جو پیشہ سے فلم ساز ہیں۔

پولیس نے کہا کہ نوین نے فلم پروڈکشن کمپنی کی شروعات کی تھی، جس کے لوگو میں اس نے متاثرہ خاتون کی تصاویر کو پیش کیا اور اس کے نام سے فرضی سوشیل میڈیا اکاونٹ بھی بنایا ۔جس میں اس نے خاتون گلوکارہ کے ویب سیریز، البم گیت اور مختصر فلموں کو اپ لوڈ کیا۔جب خاتون نے ایسی سرگرمیوں کو روکنے کے لئے انتباہ دیا تو نوین نے ایسا کرنے سے انکار کردیا اور اس کے بجائے اس نے خاتون پر اعتراض نہیں سرٹیفکیٹ جاری کیا، تاکہ وہ اپنا کاروبار جاری رکھ سکے۔
یواین آئی