انہوں نے پارٹی کے لئے خدمات انجام دینے والوں کو یاد کیا۔
انہوں نے 135 سال کے عرصہ کے دوران کانگریس کی جانب سے ملک میں لائی گئی اسکیمات کی تفصیلات پیش کی۔
ملک کو آگے لے جانے کے لئے کانگریس کی جانب سے کی گئی مساعی کی بھی انہوں نے وضاحت کی۔
مزید پڑھیں: این آر سی و سی اے اے کے خلاف ملین مارچ سماعت 31 دسمبر تک ملتوی
انہوں نے شہریت ترمیمی قانون پر بھی شدید نکتہ چینی کی۔کانگریس کے یوم تاسیس کے موقع پر نکالی جانے والی 'ملک بچاو۔دستور کو بچانے' ترنگا ریلی کو پولیس کی جانب سے اجازت نہیں دی گئی۔
گاندھی بھون سے لوور ٹینک بنڈ تک یہ ریلی نکالی جانے والی تھی تاہم پولیس نے اس کی اجازت نہیں دی۔
پولیس نے کانگریس کے لیڈروں کو گاندھی بھون سے باہر نکلنے سے روکنے کیلئے بڑے پیمانہ پر بندوبست کیا تھا۔
پولیس کے رویہ اور ان کو ریلی کی اجازت نہ دیئے جانے پر کانگریس کے لیڈروں نے پولیس اور حکومت پر شدید برہمی ظاہر کی۔
