حیدرآباد: جہیز کے مطالبے سے تنگ خاتون کی موت

تلنگانہ میں حیدرآباد کے علاقہ کلثوم پورہ میں رہنے والے محمد عمران کی شادی 14 ماہ قبل معراج بیگم سے ہوئی تھی، شادی کے بعد مبینہ طور پر شوہر اور سسرالی رشتہ داروں کی جانب سے معراج بیگم کو مسلسل ہراساں اور جہیز کا مطالبہ کیا جارہا تھا۔

معراج بیگم کی والدہ نے بتایا کہ 15 روز قبل عمران نے معراج بیگم کو مزید ایک لاکھ روپے لانے کےلیے والدین کے گھر بھیج دیا تھا جس کے بعد معراج بیگم کافی دلبرداشتہ ہوگئیں اور کل رات ان کی موت ہوگئی۔

کلثوم پورہ پولیس نے اس سلسلہ میں ایک مقدمہ درج کرکے تحقیقات کا آغاز کردیا جبکہ پوسٹ مارٹم کے بعد معراج بیگم کی لاش کو افراد خاندان کے حوالہ کردیا گیا۔

جہیز ہراسانی سے تنگ خاتون کی موت