خاندان کے تین ارکان کے ساتھ ساتھ خود کے بھی کورونا سے متاثر پائے جانے پر مایوسی کے شکار ایک ضعیف شخص نے خودکشی کرلی۔یہ واقعہ تلنگانہ کے ضلع نظام آباد میں پیش آیا۔
پولیس کے مطابق 63سالہ شخص جس کی شناخت ایل ندیپی راجنا کے طورپر کی گئی ہے،کی بیٹی اوردو نواسیاں حال ہی میں ولیج پرائمری ہیلت سنٹرپہنچے جہاں ان تمام کا کورونا ٹسٹ کروایا گیا۔ان تمام کی رپورٹ مثبت آئی جس کے بعد ان کو گھر میں ہی قرنطینہ میں رہنے کا مشورہ دیاگیا۔اپنے ارکان خاندان کے اس موذی مرض سے متاثر ہونے پر یہ ضعیف شخص کافی مایوس ہوگیا تھا۔گاوں والوں نے پولیس کو اطلاع دی کہ اس شخص کی لاش درخت سے لٹکتی ہوئی پائی گئی۔اس کی آخری رسومات وہیں پر انجام دے دی گئیں۔
