Bandi Sanjay's Controversial Statement: بی جے پی رہنما بنڈی سنجے کے خلاف کاروائی کا مطالبہ

تلنگانہ سے بی جے پی کے صدربنڈی سنجے نے تلنگانہ کی تمام مساجد کی کھدائی کا چیلنج دیاتھا۔ انہوں نے کہا تھا کہ کہا کہ اگر شیولنگ مل جائے تو مسلمانوں کو مساجد ہندوؤں کے حوالے کرنا پڑے گا۔ We will completely ban Urdu language if 'Rama Rajya' comes

مجلس بچاؤ تحریک کے ترجمان امجد اللہ خان نے کہا کہ تلنگانہ کے بی جے پی صدر بنڈی سنجے نےگزشتہ روز ضلع کریم نگر میں اشتعال انگیز تقریر کرتے ہوئے مسلمانوں کے خلاف کے زہر افشانی کی ہے۔ انہوں نے اس متنازعہ بیان پر سخت ردعمل کا اظہار کیا اور کہا کہ بنڈی سنجے روزانہ تلنگانہ کے مسلمانوں کے خلاف زہر افشانی کرتے رہتے ہیں اور ریاست کے پُر امن فضا کو مکدر کرنے کی کوشش کرتے ہیں۔

امجد اللہ خان نے کہا کہ بنڈی سنجے کے خلاف پولیس خاموش تماشائی بنی ہوئی ہے۔انہو ں نے کہا کہ پولیس افسران کو چاہیے کہ ان کے خلاف سخت کاروائی کرے،اور انہیں سلاخوں کے پیچھے پہنچائے۔ انہوں نے کہا کہ بنڈی سنجے اردو زبان کو ختم، مسلم ریزرویشن ختم، اور مساجد کی کھدائی جیسے متنازعہ بیانات دیتے ہیں، ان بیانات پر وزیر اعلیٰ چندرشیکھرراؤ خاموش ہیں- انہوں نے کہا کہ رکن اسمبلی راجہ سنگھ، رکن پارلیمان اروند، بنڈی سنجے مسلسل مسلمانوں کے خلاف زہر افشانی کرتے ہیں ،لہذا انہیں اسیے بیانوں سے گریز کرنا چاہیے۔

تحریک مسلم شبان کے صدر مشتاق ملک نے کہا کہ بی جے پی ریاست تلنگانہ میں اقتدار کے خواب دیکھ رہی ہے، لیکن تلنگانہ میں گنگا جمنا تہذیب برقرار رہے گی۔ انہوں نے کہا کہ پولیس سوموٹو کیس کرتے ہوئے بنڈی سنجے کو گرفتار کرے، انہوں نے کہا کہ بی جے پی کے علاوہ دیگر کسی تنظیم کی جانب سے کسی تقریب کا انعقاد کیاجاتا ہے تو پولیس افسران ان کے خلاف کاروائی کرتے ہیں،مگر بی جے پی کے رہنماؤں کی جانب سے مسلمانوں کے خلاف مسلسل بیان بازی کی جاتی ہے،لیکن پولیس خاموش تماشائی بنی رہتی ہے،لہذا حکومت اس پر سخت نوٹ لیے اور بنڈی سنجے پر مقدمہ درج کرے۔