ریونیو سسٹم کی منسوخی کا فیصلہ خودغرضانہ'

تلنگانہ بی جے پی نے الزام لگایا کہ،وزیراعلی کےسی آر ایک ڈکٹیٹر کی طرح فیصلے لے رہے ہیں۔

بی جے پی تلنگانہ یونٹ نے موجودہ ریونیو سسٹم کی منسوخی کے وزیراعلی کے چندرشیکھرراو کے یکطرفہ بے باکانہ فیصلہ کی شدید مذمت کی۔

اپنے بیان میں بی جے پی کے ترجمان اعلی کے کرشنا ساگرنے کہا ”راو ریاستی حکومت کے جمہوری طور پر منتخب سربراہ کے طورپر نہیں بلکہ ڈکٹیٹر کی طرح طرز عمل اختیار کررہے ہیں“۔

انہوں نے کہاکہ وی آر او سسٹم کی منسوخی کا اچانک لیا گیا فیصلہ،رجسٹریشن کوروکنے کے لئے راتوں رات لیاگیا فیصلہ، اور وی آراوز کے پاس سے اراضیات کے ریکارڈس کو واپس لینے کا فیصلہ بھی عجلت میں خود غرضانہ مقاصد کے لئے تھا۔