تلنگانہ کے ضلع کھمم میں یہ واقعہ پیش آیا۔ضلع کے بوڈیاتانڈہ دیہات کے سابق سرپنچ جس کی شناخت بابو راو کے طورپر کی گئی ہے نے اپنی بیوی رنگماں اور بچوں کے ساتھ خودکشی کی کوشش کی تھی۔
معاشی پریشانیوں کی وجہ سے یہ خاندان مشکل صورتحال سے دوچار تھا۔ سابق سرپنچ نے بیوی بچوں کو کول ڈرنک میں کیڑے ماردوا ملا کر دے دی اور خود بھی پی لیا۔
جس کے ساتھ ہی ان کی طبعیت خراب ہوگئی اور ان کو علاج کے لئے اسپتال منتقل کیاگیا جہاں علاج کے دوران شوہر اور بیوی کی موت ہوگئی جبکہ بچوں کی حالت ہنوز تشویشناک بتائی جارہی ہے۔
دوسری طرف تلنگانہ کے سنگاریڈی ضلع کے آئی ڈی اے بولارم علاقہ کی رنگ روڈ پر نامعلوم شخص کی جلی ہوئی لاش پائی گئی۔ واقعے کی اطلاع آج صبح کی اولین ساعتوں میں پولیس کو ملی۔
پولیس اور مقامی افراد نے بتایا کہ رنگ روڈ کی سروس روڈ پر ایک اسکول کے قریب ایک سنسان مقام پر یہ واردات پیش آئی۔مقامی افراد نے بتایاکہ صبح میں اس مقام سے آگ نظر آئی بعد ازاں وہاں کتے بھی دیکھے گئے۔
پولیس نے اس سلسلہ میں ایک معاملہ درج کرکے جانچ شروع کردی۔پولیس اس بات کا پتہ چلانے کی کوشش کررہی ہے کہ اس شخص کا قتل یہاں کرنے کے بعد اس کی لاش کو آگ لگائی گئی ہے یا پھر کہیں اور قتل کی واردات انجام دینے کے بعد اس کی لاش کو یہاں لاکر اس کو آگ لگائی گئی ہے۔متقول شخص کی شناخت ہنوز نہیں ہوپائی ہے۔
پولیس مختلف زاویوں سے اس معاملہ کی جانچ کررہی ہے۔
