تلنگانہ: کورونا مریض کی لاش ہسپتال سے غائب

ریاست تلنگانہ کے سکیندر آباد میں واقع گاندھی ہسپتال سے کورونا مریض کی لاش غائب ہو گئی ہے۔

اطلاعات کے مطابق مہدی پٹنم سے تعلق رکھنے والے ایک شخص کا کورونا وائرس ٹیسٹ مثبت پایا گیا تھا، وہ سیکندر آباد کے گاندھی ہسپتال میں زیر علاج تھے۔ ان کی موت واقع ہوئی تھی۔

ذرائع نے بتایا کہ جب ان کے اہلخانہ نے لاش کے بارے میں پوچھا، تو انہیں بتایا گیا کہ ہسپتال سے لاش غائب ہو گئی ہے۔

متوفی کے اہل خانہ نے وزیر اعلیٰ کے سی آر اور ایم سے اپیل کی ہے کہ لاش کو لواحقین کے حوالے کیا جائے۔

پولیس نے اس ضمن میں تحقیقات شروع کر دی ہے، تاہم پولیس کو شبہ ہے کہ لاش کو کسی اور کے حوالے کیا گیا ہے۔